Tuesday, October 19, 2021
Homeఆంధ్రప్రదేశ్సీఎం కుమారుడి పెళ్లి.. భద్రతను గాలికొదిలేసి తాగి చిందులేసిన పోలీసులు!

సీఎం కుమారుడి పెళ్లి.. భద్రతను గాలికొదిలేసి తాగి చిందులేసిన పోలీసులు!

పంజాబ్ ముఖ్యమంత్రి చరణ్ జిత్ సింగ్ ఛన్నీ కుమారుడి వివాహ వేడుకలో పోలీసులు ఫుల్లుగా మద్యం సేవించి, చిందులు వేయడం వివాదాస్పదమవుతోంది. సీఎం కుమారుడు నవజిత్ సింగ్‌కు మొహాలీలోని గురుద్వారాలో ఆదివారం వివాహం జరిగింది. ఇంజినీరింగ్ గ్రాడ్యుయేట్ సిమరంధీర్ కౌర్‌ను ఆయన వివాహం చేసుకున్నారు. ఈ పెళ్లి సందర్భంగా మొహాలీలోని అరిస్టా రిసార్ట్‌లో నిర్వహించిన సంగీత్ వేడుకల్లో భద్రతా లోపాలు బయటపడ్డాయి. ఈ వేడుక వద్ద యూనిఫాంలో ఉన్న పోలీసులు మద్యం తాగి ఉన్నారని ఒక సీనియర్ పోలీసు అధికారి డీజీపీకి రాసిన లేఖలో వెల్లడించారు. ఈ సందర్భంగా భద్రతాపరమైన లొసుగులను లేఖలో ఆయన ఎత్తి చూపారు. వివాహ వేడుక ప్రధాన ద్వారం వద్ద తనిఖీలు సరిగా లేకపోవడంతో సాయుధులు లోపలకు వచ్చారని డీజీపీకి రాసిన లేఖలో వెల్లడించారు. పోలీసు దుస్తులు ధరించి మద్యం తాగారని.. ఓ గెజిటెడ్ ర్యాంకు అధికారి ఒకరు మంత్రికి పాదాభివందనం చేశారని కూడా అందులో ఆరోపించారు. వీఐపీలు వాహనాల నుంచి దిగేటపుడు సీసీటీవీ కెమెరాలు ఏర్పాటు చేయలేదని వెల్లడైంది. ముఖ్యమంత్రి ఛన్నీ భద్రత కోసం ఉన్న కమెండోలు ఫోన్లలో వీడియోలు చూస్తూ గడపడం గమనార్హం. సీఎం భద్రతా సిబ్బంది మద్యం తాగినట్లు గుర్తించారు. వివాహ వేడుక ప్రవేశ ద్వారాల వద్ద కాపాలగా ఉన్న పోలీసు సిబ్బంది ఫంక్షన్ ముగిసేలోపు డ్యూటీ పాయింట్లు వదిలి వెళ్లిపోయారని పేర్కొన్నారు. కొందరు అనధికార సిబ్బంది కూడా ముఖ్యమంత్రి భద్రతా వలయాన్ని దాటారని లేఖలో వివరించారు. దీనిని తీవ్రంగా పరిగణించిన డీజీపీ.. విచారణకు ఆదేశించారు. డిప్యూటీ ఎస్పీ గురుచరణ్ సింగ్‌ విచారణ జరిపి నివేదికను సమర్పించారు. ఇద్దరు హెడ్ కానిస్టేబుళ్లు జస్కరన్ సింగ్, దర్షన్ సింగ్, కానిస్టేబుల్లు సత్బీర్ సింగ్‌లు మద్యం తాగి లోపలికి వెళ్లినట్టు విచారణలో తేలింది. వేదిక ప్రధాన ద్వారం వద్ద ఇంఛార్జ్‌గా ఉన్న ఎస్ఐ సుఖ్‌బీర్ సింగ్ నిర్లక్ష్యం వల్లే వాళ్లు లోపలికి మద్యం సేవించి వెళ్లగలిగారని గుర్తించారు. దీంతో వీరి నలుగుర్నీ విధుల నుంచి తాత్కాలికంగా తప్పించారు. అలాగే, శాఖాపరమైన పూర్తిస్థాయి విచారణను ఎస్పీ సర్తాజ్ సింగ్ చాహల్‌కు అప్పగించారు.
RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments

Translate »