Tuesday, October 19, 2021
Homeఆంధ్రప్రదేశ్రెండు తలలు, మూడు కళ్లతో లేగదూడ.. దుర్గమాతగా భావించి పూజలు.. వైరల్ వీడియో!

రెండు తలలు, మూడు కళ్లతో లేగదూడ.. దుర్గమాతగా భావించి పూజలు.. వైరల్ వీడియో!

రెండు తలలు, మూడు కళ్లు, రెండు నాలుకతో ఉన్న దూడకు ఓ ఆవు జన్మనిచ్చిన ఘటన ఒడిశాలో చోటుచేసుకుంది. నవరంగ్‌పుర్ జిల్లా కుమిలి పంచాయతీ పరిధిలోని బిజపురలో ఈ అరుదైన లేగదూడ జన్మించింది. ఈ విషయం తెలియడంతో దానిని చూసేందుకు చుట్టుపక్కల నుంచి ప్రజలు భారీగా తరలివస్తున్నారు. దసరా నవరాత్రి పర్వదినం సమయంలో ఈ లేగదూడ పుట్టడంతో ప్రజల పూజలు చేస్తున్నారు. రెండు తలలు, రెండు నాలుకలు, మూడు కళ్లతో పుట్టిన ఈ దూడ వింతగా ఉండి చూసేందుకు అందరినీ ఆశ్చర్యపరుస్తోంది. నవరాత్రుల సమయంలో పుట్టినందున చాలా మంది దీనిని దుర్గామాతా ప్రతిరూపంగా కొలుస్తున్నారు. ఈ వింత దూడకు జన్మనిచ్చిన గోవును తాను రెండేళ్ల కిందట కొనుగోలు చేశానని యజమాని ధనిరామ్ గండ తెలిపారు. ఈ లేగ దూడకు పాలు ఇవ్వడం తల్లికి ఇబ్బందిగా మారిందని చెప్తున్నారు. బయట నుంచి పాలు కొనుగోలు చేసి దూడకు పడుతున్నామని అన్నారు. సాధారణంగా ఇలాంటి దూడలు పుట్టిన కొద్దిసేపటికే చనిపోతుంటాయి. కానీ ఈ దూడ మాత్రం చాలా ఆరోగ్యం ఉందని యజమాని పేర్కొన్నారు. అయితే, ప్రసవం సమయంలో ఆవు చాలా ఇబ్బంది పడిందని చెప్పారు. ప్రస్తుతం ఈ దూడకు సంబంధించిన వీడియో సామాజిక మాధ్యమాల్లో వైరల్ అవుతోంది. కొద్ది రోజుల కిందట తెలంగాణలో రెండు తలల దూడకు ఓ గెదె జన్మనిచ్చింది. ఈ విషయం తెలిసి ఆ దూడను చూసేందుకు స్థానికులు క్యూ కట్టారు. అయితే, జన్యుపరమైన లోపంతోనే ఇటువంటి చోటుచేసుకుంటాయని శాస్త్రవేత్తలు పేర్కొంటున్నారు. గతేడాది కృష్ణా జిల్లా మైలవరం నియోజకవర్గం, రెడ్డి గూడెం మండలం రుద్రవరం గ్రామంలోనూ ఇలాంటి వింతనే చోటుచేసుకుంది. స్థానిక గరికపాటి వెంకటేశ్వరావు ఇంటిలో నెలల నిండిన ఆవు ప్రసవించగా… రెండు తలలతో కూడిన దూడ జన్మించింది.
RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments

Translate »