Tuesday, October 19, 2021
Homeఆంధ్రప్రదేశ్క్వార్టర్స్ ఖాళీచేయాలని ఆదేశం.. సమ్మెకు దిగుతామని ఎయిరిండియా సిబ్బంది హెచ్చరిక

క్వార్టర్స్ ఖాళీచేయాలని ఆదేశం.. సమ్మెకు దిగుతామని ఎయిరిండియా సిబ్బంది హెచ్చరిక

ఎయిరిండియాను ప్రయివేటీకరిస్తోన్న కేంద్రం ప్రభుత్వం.. ఆ సంస్థ సిబ్బంది ఢిల్లీ, ముంబయిలోని క్వార్టర్స్‌ను ఒప్పందం ఖరారైన ఆరు నెలల్లోగా ఖాళీ చేయాలంటూ అక్టోబరు 5న ఉత్తర్వులు జారీచేసింది. ఈ ఉత్తర్వులపై ఎయిరిండియా సిబ్బంది తీవ్ర ఆగ్రహం వ్యక్తం చేస్తూ.. సమ్మెకు దిగుతామని హెచ్చరించారు. ఈ మేరకు ముంబయి రీజినల్ లేబర్ కమిషనర్‌కు బుధవారం సమ్మె నోటీసు ఇచ్చారు. నిబంధనల ప్రకారం సమ్మెకు రెండు వారాల ముందు నోటీసులు ఇవ్వాల్సి ఉండగా.. నవంబరు 2 నుంచి నమ్మెకు దిగుతామని స్పష్టం చేశారు. ముంబయిలోని ఎయిరిండియా కాలనీలలో నివసిస్తున్న ఉద్యోగులు సంస్థను ప్రయివేటీకరించిన ఆరు నెలల్లోగా ఖాళీ చేయాలని, ఇందుకు అక్టోబర్ 20లోపు సమ్మతి తెలపాలని ఎయిర్‌లైన్స్ నుంచి ఓ లేఖను అందుకున్నాయి. సమ్మెకు నోటీసు ఇచ్చిన ఎయిరిండియా ఉద్యోగ సంఘాల జాయింట్ యాక్షన్ కమిటీ.. కాలనీలు ఉన్న భూమిని ఎయిర్‌పోర్ట్స్ అథారిటీ ఆఫ్ ఇండియా () శాశ్వతంగా లీజుకు ఇచ్చినట్లు తెలిసిందని పేర్కొంది. ‘AAI యజమాని, ముంబై ఇంటర్నేషనల్ ఎయిర్‌పోర్ట్ లిమిటెడ్ (MIAL) ఒక అద్దెదారు మాత్రమే. ఎయిరిండియా హడావుడిగా కాలనీలను ఖాళీ చేయడానికి, భూమిని అదానీ గ్రూప్‌నకు అప్పగించడానికి ఎటువంటి హక్కు లేదు.. విమానాశ్రయ భూమిలో అనేక మురికివాడలు ఉన్నాయి.. వాటికి నోటీసులు అందలేదు. ఈ భూ రికార్డుల సంరక్షణ మహారాష్ట్ర ప్రభుత్వానిది.. బదిలీకి వారి అనుమతి తప్పనిసరి’ అని తెలిపింది. అక్టోబరు 5న వెలువరించిన ఉత్తర్వులను తక్షణమే ఉపసంహరించుకోవాలని డిమాండ్ చేసింది. ఉద్యోగ విరమణ చేసేంత వరకూ ఈ క్వార్టర్స్‌లో నివసించడానికి అనుమతి ఇవ్వాలని కోరింది. ఒకవేళ ప్రభుత్వం ఈ విషయంలో ముందుకెళ్తే తమకు మరో ప్రత్యామ్నాయం లేదని, నవంబరు 2 నుంచి సమ్మెకు దిగుతామని హెచ్చరించింది. ఇక, ఎయిరిండియా ప్రయివేటీకరణకు నియమించిన మంత్రుల కమిటీ.. ప్రయివేటీకరించినా ఉద్యోగులు తమకు కేటాయించిన క్వార్టర్లలోనే ఉంటారని ఆగస్టు 9న ప్రకటించింది. ఢిల్లీ, ముంబైలో అనుమతించబడిన కాలానికి మించి ఎయిర్‌లైన్స్ కాలనీల్లో ఉంటున్న AI ఉద్యోగులకు వరుసగా రూ. 10, రూ .15 లక్షల జరిమానా చెల్లించాల్సి ఉంటుంది ప్రభుత్వం హెచ్చరించింది. అనధికారిక కాలం కోసం మార్కెట్ అద్దెకు రెట్టింపును వారి బకాయిల నుంచి వసూలు చేస్తామని తెలిపింది.
RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments

Translate »